هنذاكر إزاي 👀

أولا: طبعا الفهم كويس بحضور السكاشن أو سماع مراجعة الكورس أو غيره ومراجعة الدكتور اللي موجودة ممتازة وهتلم الدنيا
أغلبنا في العملي بيحفظه ب تسهيلات وتشبيهات عشان نقدر نثبته كويس ومننساش يعني نميز كل slide or jar بحاجة غير طبية مميزة لينا وشكل مميز بالنسبة لنا عشان نفتكره ودي أفضل طريقة نجمع بين التميز بين الطب وبغير الطب عشان نثبت المعلومة وده مهم نعمله
العملي محتاج مراجعة مرة واثنين وخمسة عشان لما ندخل الامتحان نحاوب كويس
الأفضل إن السكشن اللي ناخده نرجع نذاكره وممكن نذاكره واحنا في الكلية بين السكاشن بيكون فيه وقت فراغ كبير ... لو معرفتش أعمل ده فهبدأ في العملي في اخر أسبوع من المديول لكن مينفعش أسيب العملي ل ليلة الامتحان!
مينفعش يضيع مننا درجات في العملي لأنه سهل وعليه درجات كتير 30 درجة!
هنذاكر من الكتاب وملفات الأسئلة المتجاوبة والموجودة هنا والملفات دي الصور اللي فيها نفس صور الامتحان ومش بيخرج منها أبدااا
لو حسيتي إن الكلام اللي في الكتاب صعب شوية اكتبي ورا الدكتور في السكشن بيقولو ال diagnosis بطريقة أسهل من الكتاب
طبيعي أي حاجة في أولها صعبة شوية وعشان اول مرة ناخد الكمية دي من مادة جديدة وكلمات كلها جديدة علينا لكن بالتكرار هتكون بسيطة إن شاء الله
نتوكل على الله وطالما ربنا قدر لنا ندخل الكلية فاحنا قدها أكيد أكيد الحمد لله " إن الله اختار أعظم جنوده لأعظم معاركه " فشدي حيلك وبإذن الله تجيبي الدرجة النهائية في العملي وجعلك الله من أوائل الدنيا والآخرة ♥️

Pathology