مادة الفسيولوجي أو علم الوظائف 🩺

مادة مفهومة جدا خاصة في البداية ويمكن اكتر مادة هتفهموها وهتحبوها

هي بتربط بين كل المعلومات ال هتخدوها في باقي المواد وبتوضح آليات العمل في جسمنا وازاي الأعضاء بتشتغل ووظائف كل عضو وكل جهاز في جسمنا

✅ دكاترة الكلية كان شرحهم حلو جدا وبيقولوا علي المهم ولو سألتوا هيجاوبوكم فانصحكم جدا متفوتوش محاضراتهم 🤩

ولو الشرح كان سريع او أنتِ مش فاهمه الكلام في البداية علشان عائق اللغة عرفي الدكتور ومتخافيش ولا تتكسفي الدكاترة مدركين للصعوبه وانكم أولي و هيتعاونوا معاكم جدا

في تنبيه مهم إن في بنات هتكون متابعه مع كورسات من بدري شوية فهيجابوا مع الدكاترة في الاول

ده مش معناه إنك متاخره لو بدات مع الكليه من أول يوم صح ده كافي جدا

و يا ريت ده مش يسبب لك إحباط أو يحرجك إنك تسألي وتقولي مش فاهمه بالعكس ده هيكون في صالحك و الدكتور هتركز معاك وتعرفك وتحرص علي إنك تفهمي.

الداتا

د.ناجي طباعا: بيشرح علي ورق وبيوضح المعلومات ويبسطها.

وبعده في كمان د.محمد فايز بيختصر الامو و بيشرح علي خرايط زهنية وده بيثبت المعلومات اكتر خاصة الارقام .

ولكن للاسف عيب الداتا الخارجية هو انها مش مطابقه للمنهج فبيكون في اختلاف في الارقام ومعلومات بسيطه ممكن تكون زيادة فلازم نرجع ل ملفات الكلية لان في MCQ( أسئلة اختر) بنطالب بأرقتم ال في ملفتنا.

.. مصدر المذاكرة و الحل ⁉️⁉️بنزاكر من ملفات الكلية وممكن كتب الكورسات زي كونسايز وفيوتشر مفيش كتاب من الكلية في المادة دي

.. إزاي نزاكر⁉️

أول وأهم نقطة الحفظ في البداية صعب ومش لازم تحفظي المحاضرة من أول مزاكرة

نظام المراجعة المتباعدة هو أفضل حل للحفظ وتثبيت المعلومة.

يفضل أول مذاكرة ليك تكوني مركزه فقط علي فهم واستيعاب المعلومات اكتر حاجة وبعدها حلي أسئلة علي المحاضرة وده متوفر علي التطبيق...

وخلي تاني مذاكره تكون مُرَكزة أكتر للحفظ

Lectures

Physiology