Final Revision

أهلا ومرحبا ب طبيبات المستقبل 😍😍

المادة دي هي علم التشريح

خلال الفترة دي في مديول الجسم البشري الطبيعي المادة متقسمة جزئين

الجزء الأول بيتكلم عن الجسم بشكل عام وكل جهاز وايه مكوناته شبه الأحياء شوية والحجات دي هناخدها خلال سنين الدراسة تاني بالتفصيل

فبلاش تفاصيل نهائي نركز علي العناوين المهمه

الجزء الثاني بيتكلم عن نمو الجنين والجزء ده محتاج تخيل شوية وده بنطلق عليه الامبريولوجي

يمكن غيرها الوحيد انها من اكتر المواد في المديول ال​محتواها كبير ​فركزوا معاها ومتراكموهاش وفي النهاية بينزل كراش كورسات مجانية أو بأسعار مخفضة زي كوس فيوتشر م​مكن استعينوا بها

طريقة المذاكرة 🔴

المادة محتاجة تخيل مش مجرد حفظ بس هي طبعا مليانة حفظ وعشان تحفظ لازم يكون فيه رسم وشكل قدامك يعني حاسة البصر مهمة جدا

سواء رسم يدوي أو صور 3d من برنامج أو من اليوتيوب

.. التكرار مهم جدا جدا

.. المذاكرة في الطب أفضل شيء بالتكرار المتباعد

.. هتلاقي في الأول الأسماء كتير ومش عارفة تحفيظها بس مع التكرار هتتعودي وده طبيعي وبيحصل مع الكل

.. مش شرط من أول مرة تكوني فاهمة وحافظة عادي بالتكرار الدنيا هتتيسر

.. انا كنت بثبت الاناتومي اني كنت كل يوم بسرعة كده فعشر دقايق اقرأ درس

هنمشي إزاي مع الكلية ولا كورس ولا داتا خارجية 🔴

.. الداتا الخارجية دي يعني شرح دكاترة كبار أساتذة شرحهم ممتاز بيشرحو الطب بوجه عام فهتلاقي فيها زيادات شوية عن منهجك

.. احنا ملتزمين طبعا بمنهج الكلية وشرح الكلية والامتحان مش بيخرج من ملفات الكلية

.. الكورسات دول زمايلنا في امتياز بيشرحو على ملفات الكلية زي د. عمر نصر و كونسايز و فيوتشر ، ياريت ناخد بالنا لا نشترك في كورس تبع دمياط أو أسيوط ، لازم الكورس يكون لبنات القاهرة على ملفات كليتك

.. ننظم الدنيا إزاي وايه الأفضل ⁉️

أنت في الأول متاح لك تجربي كل حاجة هتلاقي الداتا الخارجية موجودة هنا ممكن تسمعي فيديوهات وتشوفي عارفة تمشي معاهم ولا لأ

أفضل الدكاترة في الداتا هم دكتور أيمن خنفور و د محمود علاء و د أحمد فريد

✅ نرشح أكتر حد في النورمال د. أيمن خنفور

جربي الداتا مع متابعة الكلية وشوفي الدتيا ماشية معاك ولا لأ

✅عندكم د. إيمان الشال شرحها رائع وهي من دكاترتنا في الكلية

.. الكورسات بتسهل عليك الدنيا وبيعملو لك جدول فلو الكورس كويس زي د عمر وكونسايز و فيوتشر هيسهلو عليك كتير جدا إن شاء الله والتلاتة متساويين

.. لو مش عارفة تمشي في الداتا اشتركي في كورس وتابعي معاهم مع الكلية لحد ما تتعودي

مصدر المذاكرة 🔴

... ملفات الكلية وكمان في كتاب بينزل للأناتومي ودي فقط المصادر الأساسية

.. مش هنستخدم مراجع وكتب تانية لأن دي هتلخبطك

.. كتب الكلية وملفات الدكاترة دي اللي بيجي منها الامتحان ومش بيخرج منه

... ممكن نذاكر من كتب الكورسات زي كتاب كونسايز و د. عمر نصر و فيوتشر لأن كتبهم معمولة من ملفات الكلية

ملاحظة مهمة 🔴

.. شرح الكلية كويس جدا والدكاترة بيقولو على النقط المهمة اللي ممكن يجي منها الامتحانات ولازم نفرغها ونكتبها ونذاكرها كويس وكل الدكاترة متعاونين جدا اللهم بارك

المراجعة وحل الأسئلة 🔴

.. حل أسئلة كتاب الكلية مهمة وفيه أسئلة كتير جدا بتيجي منها

.. حل الامتحانات السابقة مهم جدا بردوا

.. أي مراجعة في الكلية مهمة والدكاترة بيقولو على الحجات المهمة